عزيزى الزائر , شفت الموقع منور بيك الذاى -يا ميت اهلا و سهلا ..لا تنسى زيارة
الصفحة الرئيسية لموقعى و صفحة تحميل الاغانى و النوتات و الفديو من كلاسيكيات الموسيقى العربية الزمن الجميل - فيه باب صغير فى الصفحة الرئيسيه انا دايما موجود هناك ..ان احتجت اى حاجة اضغط عليه
http://violin.mylivepage.com/home/index
http://violin.mylivepage.com/file/index
منقول من المنتديات العربية
-------------------------------------------------------------------
انت الآن فى الصفحة الاولى و تكملة باقى الاغانى فى الصفحة الثانية
الى ص 2 ص2 الى ص2 violin.mylivepage.com/wiki/article/%D9%83%D9%84%D9...
================================================
تقتضى الامانة ان ان انوه انى وجدت موقع على النت للمرحوم الشيخ سيد درويش به
ليس فقط كلمات الاغانى و الاحان بل كل شىء عن سيد درويش و ارى نقل الكلمات منه اصدق من موقعى هذا فذلك الموقع تحت اشراف دكتور مهندس حسن البحر درويش وهذا عنوان الموقع
http://www.sayeddarwishelbahr.com/index.htm
==========================================================
فيديو محمد صلاح الحلوة دى قامت تعجن
===========================================
نشيد بلادى
بــــــلادى بـــــــلادى لك حبــى وفـــــؤادى
مصـــر يا أم البــــلاد أنت غايتى والمــــراد
وعلى كل العبـــــــــاد كم لنيــلك من أيـــادى
مصر يا أرض النعيم ســدت بالمجــد القديـم
مقصدى دفـــع الغريم وعلى الله اعتمـــــادى
مصــر أولادك كــرام أوفيـا يرعوا الزمــــام
سـوف تحظى بالمرام باتحـــادهم واتحـــادى
مصـر أنت أغلى درة فوق جبين الدهر غرة
يا بـلادى عيشى حرة واسلمى رغم الأعادى
=====================================================
يا ناس انا متّ في حبّي وجوا الملايكه يحاسبوني
ياناس أنا مت في حبي جم الملايكة يحاسبوني
حدش كده قال
أول سؤال سألوني عليه ايه السبب في لوم العزال
قلت اللي أحبه الحق عليه خل اللي عمره ماقالش أهو قال
وبقينا أمثال
قالولي إيه أصل غرامك وليه حبيبك مش وياك
مين دا اللي حلل هجرانك بكيت وقلت العشق هلاك
حدش كده قال
ياعيني ع اللي عشق واحتار وقضى طول عمره في أفكار
ياخدوه قوام م الدار للنار ماينجدوش إلا الستار
حدش كده قال
======================================================
موشح يابهجة الروح
يابهجة الروح جد لي بالوصال
الفؤاد مجروح ولا له احتمال
ازاي تهجرني وأنا قلبي يهواك
بعدك جنني اسمح لي بالوصال
هاتِ كاسِ الراح واسقني الأقداح
وجهك الوضاح ماله من مثال
جُدْ لي يابدري بلثمِ النَغـــرُ
لو كنت تدري أن حالي حال==================================================================== الحلوة دى
الحلوة دى قامت تعجن فى البدرية والديك بيــدن كوكو كوكو فى الفجـرية
يالله بنا على باب الله يا صـنايعية يجعل صباحك صباح الخير ياسطى عطيـة
طلـع النهار فتــاح يا عليــم والجيـب مافيهــــشى ولا مليــــــم
مين فى اليومين دول شاف تلطيـــم زى الصـنايعية المظاليــــــــم
الصبر أمره طــــال وايش بعد وقف الحال
ياللى معاك المــال برضه الفقيـر له رب كريم
أولاد أوربــــا ما بيناموش عن الصـــــــنايع ما يونوش
الافرنجى دايما حلق حوش والمصرى جنبه بيطلع بوش
ســبع صـنايع فى إيدينـا والهــم جايـر عليـنا
ياما شــكينا وبكينا يا أغنيـا ليه ما تساعدوش
ما تشد حيلك يا بو صلاح إضربها صرمة تعيش مرتاح
خلى تكالك ع الفتاح يالله با يالله الوقـت اهو راح
الشمس طلعــت والمــــــلك لله
ما تشيل قدومك والعـــدة ويالله
اجــرى لرزقك خليها على الله
----------------------------------------------------------
عالنسوان ياسلام سلم
ع الستات ياسلام سلم مافيش كده أبدا بهجة
دا احنا الوارثين يافندم ضاربين الدنيا طبنجة
ياحبيبتي دي ثروتي طارت إيه اللي جرالي ماعرفشي
ودي ساعة الحظ إن راحت أبدا ماتتعوضشي
كل الأطيان لو ضاعت في نظرة مانستخسرشي
نعرف جغرافيا ونحوي وحساب وحاجات ترالاللي
خمسة في تسعة بستاشر وباريس في الوجه القبلي
بونجورنو فعل مضارع مفتوح ع البحري تملي
ودي صنعة هنري التاسع شيخ حارة في المتولي
أبجد هوز معناها بالتركي ابقى قابلني
كده ولا بلاش يامدارس دي بلدنا بقت مناخوليا
يكفانا بس نعيرها قال إيه عاملين بكالوريا
والواحدة في طبخة نابت عايزالها سبعين ...
مابدال الفسيولوجيا يدوهم طبخة لوجيا
وكلها لهجة لوجيا وأمور أونطة لوجيا
=====================================================
هز الهلال ياسيد
هز الهلال ياسيد كراماتك لاجل نعيد
يكفى اللي حصل كام يوم ووصل بقى زارع بصل
هديت واهو راق الحال ورجعنا للأشغال
دا الموظف منا مش وش خناق ولا شومة
لما يحمر عينه ولا يقوم له قومة
حد الله مابيني وبينك غير حب الوطن ياحكومة
عشرين يوم راحوا علينا انشالله ياخدوا عينينا
بس المقصود يبقى لنا وجود والدنيا تعود
ياما شفنا م الستات طلعوا وعملوا مظاهرات
والكناسين رخرين راسهم وألف مقشة
مايكنسوا بس كنسة ولا يرشو رشة
والصنايعية راحم جايبين ضلفة أحسن ورشة
الغلي اللي شاربينه ياريت العالم شايفينه
دي ماهيه إيه الكام جنيه ياخواتي برّيه
من خمسة منه تروح وبقيته أقول أبوح
وبسلامتها الست بتاعتي ماتتوصاشي
ولا تولدليش في البطن إلا اتنين كده ع الماشي
وييجي الجزار والخضري والبقال ينعلو أبو خاشي
هز الهلال ياسيد كراماتك لاجل نعيد
يكفى اللي حصل كام يوم ووصل بقى زارع بصل
هديت واهو راق الحال ورجعنا للأشغال
دا الموظف منا مش وش خناق ولا شومة
لما يحمر عينه ولا يقوم له قومة
حد الله مابيني وبينك غير حب الوطن ياحكومة
=========================================================
زورونى كل سنة مرة
زورونى كل ســـــــــنة مرة حرام تنســــــــونى بالمرة
أنا عمـــــلت إيه فيــــــــــكم تشـــــــاكونى واشــــاكيكم
أنا اللى العمر اداديــــــــــكم حرام تنســــــــونى بالمرة
يا عينى ع اللى مالوش حــد طول عمره يقاسى الوجــد
وتجـــرى دمعتــــه ع الخــد مســــكين حــــــاله بالمرة
زورونى كل ســــــــنة مرة
=======================================================
يا شادي الألحان
يا شادي الألحان أه أسمعنا رنة العيدان
يالاللي يا لالا أه يا لاللي رنة العيدان أه أسمعنا أه ياللي يا لا لا لا لا أه ياللي
و أطرب من في الحان أه و أحسبنا من ضمن الندمان
يالاللي يا لالا أه يا لاللي من ضمن الندمان أه أحسبنا أه ياللي لي لا لا لا لا أه ياللي شعرك و الجبين أه و الوجنات كالليل و النهار
يالاللي يا لالا أه يا لاللي كالليل و النهار أه و الوجنات أه ياللي يا لا لا لا لا أه ياللي
====================================================
دور ياللّي قوامك يعجبني
ياللي قوامك يعجبني ليه بس ترضى لي صدودك
ياهل تـــرى بتأدبني اكمن عــــــــــزالي شهودك
ده شيء كتير بعدك عني والقلب ميال لوجــودك
أروح لمين أشكي حبيبي والدهر والعزال حــــــــكام
أحب أشوف في النوم طيفه ألقاه يجيني مع الأخصام
والقلب ده راح يعمل إيه حتى العوازل في الأحــلام
الصب من بعدك هلك
الصب من بعدك هلك
والصبر له أحسن طبيب
تركت أهلى وملت لك
الناس بتعطف ع الغريب
آه الصب من بعدك هلك
وانت لك اخلاق ملك
قلبى انشبك
=========================================================
عواطفك دي أشهر من نار
عواطـــفك دي أشـــهر من نار
بس اشمعنى جفيتني ياقلبك
أنت اللطف وليه أحــــــــتار
سيد الكل أنا طوع أوامرك
حالي صبح لم يرضي حبيب
لوم الناس زودنــــــي لهيب
ماقولــــش أن الوصل قريب
يامليكــــــي والأمــــــر لربك
خايف أحكي لمين أشكيك
دبرني علـــــــشان أرضيك
يمكني دايـــــــــما أواسيك
والعازل مايكـــــونش شريك
يخطر لي دايـــــــــما مرآك
من كثرة حــــــــبي لعلاك
صبحني هجــــــرك وجفاك
======================================================
ياشيخ قفاعة
اقرأ ياشيخ قفاعة تلغراف آخر ساعة
اللي في جورنال البورص
وأنا أبقى أحلق ذقني إن ماكنتش ترقص
ترقص ترقص ترقص
الصبح صبح قلسطة والعيشة هتبقى قشطة
ياقساتذة قولم هش
ياقساتذة قولوا براوة دي الحرب خلاص فينيشٌ
فينيشٌ فينيشٌ فينيشٌ
بعد أكل التسقية والسلطة والطعمية
اللي بتهد الحيل
نرقع لنا اقتين ثلاثة من لحم الخيل ارقع
ارقع ارقع ارقع
ومادام الضاني غالي وكذلك العجالي
مش لازم ندقق
حصانا أو حمارا أوبغلا مش راح نعتق قبدا
قبدا قبدا قبدا
ياما بكرة حنبقى نقلّس ع التجار لما تفلس
وزي مانتفلق
يتفلقوا هما كمان واحنا نضحك هقهق
هقهق هقهق هقهق
يالا نقلوظوا العمة ألا مودا ونستحمى
بصفيحة كالونيا
ونسافر على أوروبا نتفرج ع الدنيا
دنيا دنيا دنيا
ستاتها قلماظية ماتقولش مهلبية
قبدا قبدا إيش جاب
قربت أسيح قربت أسخسخ قربت أتكهرب الحق
الحق الحق الحق
سيبك م الفقهنة خالص من بكره هتبقى لابس بدل العمة كاسكيت
===========================================
والله تستاهل يا قلبى
والله تســــــتاهل يا قلبى ليه تميــــــــل ما كنت خالى
انت أســــباب كل كربى وانت أســـــــباب ما جرالى
إيه بقى اللى ح يواسينى بعد ما انهــــــــدت آمــــالى
اذا كان حظى ناســــينى مين اروح له اشكى له حالى
ان شكيت قلبى وحواسى يعمــــلوا مؤامــــــــرة علىّ
وان بكيـت والحب قاسى تشــــــتكى منـــــــــى عينىّ
أعمل ايه واحنا ف غربة والأغـراب دول زى اليتامى
يا مين يواسيهم فى كربه يامــــا بيقاســـــــــوا ويامــا
يارب كل من له حبيــب طــــــال بعــــاده وللا قريب
ما تحـــــــــــرموش منه وهــــــــاته له بالســـــــلامة
===========================================================
قلل القنــاوى
مليــــحة قوى القلل القنـــاوى
رخيصة قوى القلل القنـــاوى
قــرب حــدانا وخد قلتــــــين
خســـارة قرشك وحيــــاة ولادك
ع اللى ماهواش مين طين بلادك
ده ابن بلــــــدك ما يبلفـــــكشى
ما تعــــدموشى ولا يعدمــكشى
دمك من دمه ما يفرقكوا شىء
الدنيـــــــا مالها يا زعبـــــلاوى
شـــقلبوا حـالها وين المــــداوى
شوفوا البلاوى ده البنــك ناوى
يرفــع دعــاوى علشــــان يتاوى
فى فلوسنا واحنا متقندليـــــن
مش بزيــــادانا بقيــــــــنا عــرة
وكل حــــــاجة من شــغل بــره
ده الغلب طول قلــــع عينيـــــنا
وخلا غيــــرنا قلــس عليــــــنا
يادى الفضيحة يا ناس حرام
ولحــــــد ميـتى ما نفوقش واصل
والبيـه مقعمص قــــــاعد يواصل
يشرب فى بيرة ويا منيـــــــــــرة
واحنا فى حيرة جــــد وكبيـــــرة انتعـــــنا بقى يا جـد الحسين
==============================================================
شــــد الحزام
ح اقـــولك ايه واعيـــد لك ايه كله له آخــر دى وكســة جــامدة وجت على عيــنك ياتـــــاجر
يا وكســتك دلـــوقت لا وارد ولا صــــادر يحلـــــــها ألفيـــــن حـــلاّل ربـــــــك قــــــــادر
قوللى فى عرض النبى يا حسين رايحين نلاقيها منين ومنيــــن
والإش متجــــــوز اتنيــــــــــــن يا دنيا روقى جتك البيــــــــن
عمــر البخيل يفضل منحـــــوس لو علقوا على بابـه فانـــــوس
فلـــوس دى إيه سكتر يا جاموس هى السـعادة فى غنى النفوس
يالله بنا نلحق لاكسبريس اهو بقى ع الرصيف وادى احنـــا والله لســه ما عملنـــاش بحق رغيف
كل المحطات قبــــلى وبحـــرى بقت لماليـــف يتـــوب عليـنا من دى العيشـــة يا لطيف يا لطيف
ما قطعوا لنا التليفونــــات وعطلوا التلغرافـــــــــــات
عمركش سمعت الدلنجات بيسافروا لها بالباسبورتات
غلب حمار اللى له حما ر يحمــله لك ست انفــــــــار واهو السفر فى الأيام دى صار ع البهايم ليل ونهــار
قرب شيــّـلنى شيّـــل لا تقوللى كتيـر وقليّــل لا تقوللى كتير وقليل عمر الشـدة ما تطــــوّل عمر الشدة ما تطـوّل بكرة نهيص زى الأول
هيلا هيلا هيلة هــيلة هيلا هيلا هيلة هــــــيلة
=============================================================
سـالمة يا سلامة
ســــالمة يا ســـلامة رحنا وجينا بالسلامة
صفر يا وابور واربط عندك نزلنــــى فى البــــــلد دى بلا أمـــــيركا بلا أوربـــــــا مافى شئ أحسن من بلدى
دى المركب اللى بتجيــــــب احســن من اللى بتــــودى
يا اسطى بشندى
سـالمة يا سلامة
سـلطة ما سلطة كله مكسب حوشــــنا مــال وجيــــــنا
شفنا الحرب وشفتا الضرب وشــــفنا الديناميت بعنيـــنا
ربك واحـــد عمرك واحــد ادى احنا رحـــنا وجيــــنا
ايه خس عليــنا
سالمة يا سلامة
صلاة النيى ع الشخص منا فرصـــة ميه بلا قافيــــــة
اللى ف جـــيبه يفنجــــر به والبركة فى العين والعافية
ح تـــاخد ايه م الدنيــا غيـر الستر يا شيخ خليها ماشـية دنيـــا فانيــــــة
سالمة يا سلامة
دى الغربـــــــة ياما بتــــــــــورى بتخــــــلى الصــــنايعى بيـــرطن
مطـــــرح ما يـــروح المصــــرى برضــه طـــول عمــره ذو تفنــن
وحيـــــــاة ربنـــــــــا المعبـــــــود وى آر فرى جود ياسطى محمود
قــدها وقــدود
سالمة ياسلامة
==========================================================
عزيزى الزائر , شفت الموقع منور بيك الذاى -يا ميت اهلا و سهلا ..لا تنسى زيارة === الصفحة الرئيسية لموقعى و صفحة تحميل الاغانى و النوتات و الفديو من كلاسيكيات الموسيقى العربية الزمن الجميل - فيه باب صغير فى الصفحة الرئيسيه انا دايما موجود هناك ..ان احتجت اى حاجة اضغط عليه
http://violin.mylivepage.com/home/index
http://violin.mylivepage.com/file/index
================================================
لحن الجرسونات
ألحان سيد درويش
كلمات أمين صدقي
اهى شغلتنا كده يا افندية .. نفضل كده ....
نهاتى .. ، اللى نقوله نعيده .. كأننا بنقرا ف عدية ..
ده الجرسون منا يا بيه .. وحياتك له الجنة ..
ياما بنقاسى ف خوتة ، ودوشة ومرمطة يا اخواننا ..
نفضل شايلين .. صوانى وماشيين .. زى المكوك .. رايحين جايين ..
إينا سيروبي إينارجي ليه
إينا كافيه فاري جليكي
أهي شغلتنا كده يافندية نفضل نحزق بالصفة ديه
ونهاتي واللي نقوله نعيده أكننا بنقرا في عدية
دا الجرسون منا يابيه وحياتك له الجنه
ياما بنقاسي ف خوتة ودوشة ومرمطة ياخوانا
نفضل شايلين صواني وماشيين زي المكوك رايحين جايين
يبقى دا يسقف ودا يهاتي ودا يخبط كده بريه
ياخواتي خلو عقلنا سبعه سباتي يلحسوه
أهو المقدر يابيه عليه
يفرح يكدر مش بإيديك
بلا مارتيل بلا ويسكي وصودا دا الجرسون عايش عيشة سودة
كان مالنا احنا ومال الكار ده ولسه ياما هنشوف ياسي فودة
بالله احسب يابيه كام كيلو بنمشي ف الساعه
بس من البوفيه للزبون كده من غير لكاعه
دا عنده دورين وده تلاته دا عايز فرموت ودا جيلاته
دا عايز دور وسكي ودا بيرة ودا مزة ودا كافيه
أحيه لاهو الجرسون عقله دفتر توب عليه
زبايننا مالها جرالها إيه
بقشيش مافيش ياخواننا ليه
التشطيب دا ومنع الخمره خلو عيشتنا جهنم حمرة
كان ييجي الزبون لينا طينة نغالطه ونجرده يابوسمرة
دا اللي عنده عيال يابيه يعيش إزاي الأيام دي
وياريت ع الشقى اللي احنا فيه نزيد ياسي حمدي
ياناس دا حرام داحنا غلابة أدحنا عملنا لنا نقابه
طول ماحنا ياصاحبي ايد واحدة مش ممكن ننضام
برضه مسيرنا نبلغ أمانينا بالوئام
=============================================================
ياحلاوة أم اسماعيل
ياحلاوة أم اسماعيل في وسط عيالها
زي النجفة عم بتلعلط في جمــالها
تزرع وتقلع في الغيط ويا راجـلها
وتعاود تاني لعجينها وغسيلــــها
تحلب جاموســــتها حلاوة كتاكــــــيتها
ع الملوخية ياختي عليها وعلى بطــــتها
بنات البندر دول لا بتوع ال آن دي ترواه
يكفانا اللي شفناه من فات قديمه تـــاه
زيي أنا شفت كتير وسنه بسنه ولادي الكبير
لا فاتولي بيت ولا غيط
قسمة ومكتوبة توبة من الــــنوبة
لو يقطعوا رقبتي ماخدش غير زنوبة
مانمدش رجلينا ليه على قد لحافنا يابيه
دا المصري مازادش عليه غير ماله وضاع بإيديه
وده من يوم ما مد إيديه خلوه نسي عوايد أبوه وصبح يقول ياريت ياريت
==============================================================
استعجبـــــوا يافنديه
استعجبـــــوا يافنديه متر الجــــــــاز بروبيه
وبقاله اليوم شنه ورنه واللي بيبيعه له كلمة
ياما ناموا كتير ناس في الضلمه وصبح أغلى م الكولونيه
وتمن اللتر يساوي صفيحه واللي يطـــوله اليوم بفضيحه
مأمـــــــور القسم يدي نصـــــيحه ماشيــــه قدامه داوريه
مين كان فاكر إن دا يــــجرى حتى الكبريت بقاله ذكرى
وقزازة اللمبه خـــــــدت شهرة بفرنك ونص وشـــــــوية
===============================================================
دنجي دنجي
جالت لي هالتي أم أهمِد كلمايه في متلايــــه
سرجوا الصندوق يامهمِـد لكـــن مفتاهه معايا
إينايا شنجي كريكري
دجي دجي دنجي دجي دجي دنجي
هامصيبه وجالي من بدري زي الصاروخ في ودانـي
مافيش هاجه اسمه مصـري ولا هاجه اسمه سودانـي
نهر النيل راسه في ناهيه رجليه في الناهية التاني
فوجاني يروهوا في داهيه اذا كان سيبو التــــاني
إينايا شنجي كريكري
دجي دجي دنجي دجي دجي دنجي
اسود ابيض يابـــرامه آيشين ويا بأضـــينا
سوداني أندو كرامة مـــصري طول أمره أهينا
اتنين جيران بلدنجي والهيطة جنب الـــهيطة
الناس دي بلاوي كالنجي أيزين هلينا شكانيطة
إينايا شنجي كريكري
دجي دجي دنجي دجي دجي دنجي
الأكل بتاعنا براوه يشهدله البيه والباشا
يوم فاصوليا وبِجلاوه يوم ملوهيا وبوجاشـا
ياأوروبا هليكي شاهده عالبوليتيكه الترللي
الرايـــة بتاعنا واهده لازم يستنى تــمللي
إينايا شنجي كريكري
دجي دجي دنجي دجي دجي دنجي
==================================================
ضيعت مستقبل حياتي
ضيعت مستقبل حياتي في هواك
وازداد علي اللوم وكتر البغدده
حتى العوازل قصدهم دايما جفاك
وأنا ضعيف ماقدرش أحمل كل دا
ان كان جفاك يرضي عُلاك أنا في حماك
عفو الحبيب مايكونش أحسن من كده
علمتني يانور عيوني الأمتثال
واحتار دليلي بين تيهك والجوى
كنت افتكر حبك يزودني كمال
خيبت ظني والهوى ماجاش سوى
تبقى سبب كل التعب وتزيد غضب
واللي انكتب فوق الجبين مالوش دوا
=========================================================
الكوكايين
اشمعنى يانخ الكوكايين كخ
دا أكل المخ هلاك اعمله على غيرنا
رايح لي تجُـخ وجاي تطُـخ
شطب هو أنت شريكنا حتى في مناخيرنا
إيش عرفك أنت يادونكي
المدعوقة من خنافتها
بتكلفني كوكايين كام في ليلتها
ياماراح قناطير جواها من القزايز إياها
صحة ما صحة لا إله إلا الله ها راحت مورتو
العايز أهبل ياخواجه زنفل
يروح أبوزعبل وأبوها علشان تنشيقه
ولا خمسه جرام ولا عشرة جرام
بيكفوا أخوك دا أنا أشطب على ميت فابريقه
ايش غايته الجيب هاينفض ايه يعني
المخ يأكسد ايه يعني
نشمه أبيض ينزل اسود
ياما حكما وتمرجيه ياما حانوتيه وطربيه
بقوا أغنيا على حس الكوكايينجية
إيه إيه إيه شوف الدنيا
مابقينا صمن بكمن عمين
تريرم تريرم يافندي البيجي بيجي بيجي
إيه الكلام دا ياعنابر كنت إنتي زقيتينا
يامصلحة الجمارك الحقينا تفليته ورا تعميره
حاتموت ميه ورا ميه وأخرتها تربيت تيتي تي
عالعباسية حوشيني ياما
================================================
طقطوقة الحشاشين
تلحين سيد درويش - مقام عجم
كلمات بديع خيري - غناء الشيخ زكريا أحمد
ياما شاء الله ع التحفجية أهل اللطافة والمفهومية
اجعلها ليلة مملكة ياكريم
دالا الكيف مزاجه اذا تسلطن أخوك ساعتها يحن شو شو شوأن
إلى حشيشي بيتي بيتي نيشي
اسأل مجرب زي حالاتي حشاش إراري إراري يسفخ يوماتي
خمسين جرايه ستين سبعين
ها ها هاء يامرحب
صدق وآمن بالذي خلقها وآل كوني جوزة لكل من يدوقها
ما يسلا أنفاسها بالملايين
بس الأكاده كبس وظُلومة يكفينا شرك يادي الحكوكو كومه
حكو كو كو كو كومه
ساعة مانسمع زنة ناموسة تبص تلقى كل الشخوصة
اكسبريسات راحم طايرين
ها ها هاء يامرحب
هو احنا يعني علشان غلابة لابتوع قراية ولا كتابة
يهينونا فلتحيا التفانين
كان يبقى شنبي من غير مؤاخذة على كلب رومي ولا على مع مع معزه
معمع مع مع مع معزة
ساعة ماتنده وتقول ياقرقر أجيك مشمر من غير تؤخر
هو ابن مصر هيخاف من مين
ها ها هاء يامرحب
وريني أجدع بيه ولا باشا يقدر يعايب ع الحشاشا
فشر يادقدق صلى ع الزين
أقول لك الحق يوم ما نلقى بلادنا طبت في أي زنقه
روحي وأنتي طالقة مالكيشي عوزة يحرم علينا شربك ياجوزة
دي مصر عايزة جماعة فايقين
============================================================
لحن المتعصبين
تلحين سيد درويش
كلمات بديع خيري - غناء سيد درويش والمجموعة
ماقلتلكش ان الكترة لابد يوم تغلب الشجاعة
واديك لقيت كلام الأمره طلع تمام ولافيهش لواعة
غرش اللي كان هالك أبدانَّا ومطلع النجيل على عينّا
إن فهمي يكره حنا وايش دخل دول يانا بس ف دينّا
دخل بناتنا اللى موقعنا فى بعضنا وراح لك متصدر
فقسنا لعبته واتجمعنا ليضيع شرفنا الله لا يقدر
عاديك على اللي ادتله الدنيا وشي وبقاله شركه ومتاعه
تشوفنا احنا تقول حنفيه وتشوفه هو تقول بلاعه
=======================================================
خفيــــف الـــــروح
خفيف الروح بيتعـاجب
برمش العيــن والحاجب
خفيف الروح
غمـــز لى مرة بعيونـــه
لقيت الحــب مضمـــونه
حرام ان كنت انا اخونه
وعشقى له من الواجــب
خفيف الروح
تملى يحب يشــــــغلنى
بســـهم اللحـــــظ والننى
أخاف اتقل يخاصــمنى
ويهجـــرنى ويحـــرمنى
خفيف الروح
رأيت الأوفق ان جـانى
حبيب القــلب نــــــادانى
أرد عليــه بأجفـــــــانى
ولا أحسب حساب عازل
خفيف الروح
======================================================
طقطوقة سيبوني ياناس في حالي
ألحان الشيخ السيد درويش
وكلمات يونس القاضي
سيبوني ياناس في حالي أروح مطرح ماروح
دا غزالي وافق عزالي وخلاني لوحدي أنوح
وكم أبعت له تراجي ولم يقبل رجايا إيه أعمل له وأنا باميل له وبسره ماقدرش أبوح سيبوني
غيري عشق واتهنى وارتاح ويا الحبيب آه ياناري ماحدش داري وأنا بحالي أسوح وأنوح سيبوني
عايشين في وادي النيل نشرب .. م العدادات على مللي وسنتي
من جاز لملح ومن سكر .. لترموايات لخواجة كريانتي
ربنا مايوريك في لوصتنا .. البيت نضيف أما الجيب أنضف
والهدمة دي اللي على جتتنا .. محجوز عليها دي عيشة تقرف
مالقيناش غير اضرابنا ولا إنناش نبقى في إهانة
ضربوا لنا الأعور على عينه قال ماهي تلفانه تلفانه
لا والأدهى من دي قولتهم علينا اننا عصبجيه
ياهل ترى إيه تعا نسألهم تتاكل إزاي ياسطى عطية
الحق كله على الأغنيا إحم يافرحتنا بكترتهم ملهيين في روزه وماريا والسف نازل على أمتهم امتى بقى نشوف قرش المصرى .. يفضل فى بلده ولا يطلعشى انتوا بمالكم واحنا بروحنا دى الإيد لوحدها ما تسقفشى
====================================================
يا ورد على فل وياسمين
يا ورد على فل وياسمين الله عليك يا تمر حنة
ياللي عاوج لي طربوشك فوق الجبين على سنجة عشرة
ماتحط لك حبة ياسمين في عروة الجاكتة رخره
قرب هنا تعالى عندنا
خد ورد يا بيه خد فُلة يا بيه
الورد لون صدر المرمر ياللي تميل قرب عليه الورد لونه أبيض وأحمر الله عليه خد لك هديه قرب هنا تعالى عندنا خد ورد يا بيه خد فُلة يا بيه
خدلك هديه لحبيبتك م الورد دا زينة الجناين تخليها تدوب في ريحتك وتبقى من ضمن الزباين قرب هنا تعالى عندنا خد ورد يا بيه خد فُلة يا بيه
وحياة أبوك لم تكسفني خد لك عودين دانا اسمي نرجس والله ان ما كنت تنفعني لازعق وأقول راجل مفلس قرب هنا تعالى عندنا خد ورد يا بيه خد فُلة يا بيه
الورد ألوانه تبهج فوق الغصون وسط الجناين والفل دا والبنفسج يفرح كمان قلب الحزاين قرب هنا تعالى عندنا خد ورد يا بيه خد فُلة يا بيه
============================================================
بصارة براجة
بصارة براجة بصارة نشوف البخت
يامين ياصبايا ينده لي وأشوف له بخته ع البهلي عنده قضية شرعي وأهلي أو مختلطة كله في البخت
بصارة براجة بصارة نشوف البخت
لو يصدق فالك ياصبية تبقي أنتي منيرة المهدية والظاهر إنك مصرية أعداكي كتير ولا لكيش بخت
بصارة براجة بصارة نشوف البخت
كان فين دا كله اللي جرالك الله يجازيهم عزالك استعبدوا أهلك ورجالك ودي قسمة يابنتي وقلة بخت
بصارة براجة بصارة نشوف البخت
من بعد العز اللي شفتيه يبعدوا عنك اللي تحبيه واللي يأذيكي الله يأذيه ويدوق المر وميلة البخت
=============================================================
حرج علي بابا
كلمات يونس القاضي حرج علي بابا ماروحش السينما وأقابلك فين
أنا من رأيي تكاتبني وأكاتبك وأجاوبك وتجاوبني وف أي يوم تطلبني تلاقيني في غمضة عين
حرج علي بابا ماروحش السينما وأقابلك فين
لو عندك رأي غير ده قولهلولي (إبديه) وأشوف ده من دا مالوش لازمة البعاد ده بزيادة (والنبي) أنا بين نارين
حرج علي بابا ماروحش السينما وأقابلك فين
يارب أنت ياقادر ياجابر كل خاطر زيد اخلاصنا للآخر وحياة رب الحسين
حرج علي بابا ماروحش السينما وأقابلك فين
============================================================
ياهادي ياهادي
ياهادي ياهادي يجلي مزاجك يابوزقزوق الليله دي
يابن حارتنا يانوارتنا حتى بناتك جه بخت أجوازهم نادي
دوروا ماتخلوش مزيكه إلا اما تجيبوهالنا تدق لنا عشرة بولكه النبي ياماريكا دا الحظ الليله يحق لنا دي المسأله هاصت ابسطها ياباسط ليلة صباحي وواقعة زلابية بالآلاتية واولاد رابية أهو بت في بت يزفوهم وانجلي يابوزقزوق يابوهم ياهادي
ياهادي ياهادي يجلي مزاجك يابوزقزوق الليله دي يابن حارتنا يانوارتنا حتى بناتك جه بخت أجوازهم نادي
الشكل بولاقي لكن خايل باشاوات مين دا أنت باشا وحته وايش حال بقى لما تتمايل ووراك بدل المحسوب ستة بكرة الموبيليا تيجي من مارسيليا ليه لاهو نجار مصر إيده قصيرة ولا صنعته ناقصة تمدن والنبي لو ترسى على حصيرة ولاحوجة لمارسيليا ولوندن ياهادي
ياهادي ياهادي يجلي مزاجك يابوزقزوق الليله دي يابن حارتنا يانوارتنا حتى بناتك جه بخت أجوازهم نادي
ده يبقى نهار عال وكويس لما تتهنى بحبيبتك ونيجي نقول لك عشرة ياريس ياللي ف وجودك وف غيبتك اسمك مايروحش من بالنا لو راحت روحنا وأموالنا ياهادي
ياهادي ياهادي يجلي مزاجك يابوزقزوق الليله دي يابن حارتنا يانوارتنا حتى بناتك جه بخت أجوازهم نادي
============================================================
لحن البوهيجية
ألحان سيد درويش
كلمات أمين صدقي
محسوبكو انداس صبح محتاس
مسختو جزمة ياناس
مافيش فلوس بقيتو منحوس
فقرتو خلاص
نشتغلو في إيه يافندي يابيه
مادام البخت موريه
مافيش تهييس مافيش قميص
مافيش لباس
فين نروخو سابرستيه دنيا لسه تربيتيه
أيام الأنس فنيتو خلاص
محسوبكو انداس صبح محتاس
كفرتو ياناس
بوكر مافيش يابودرويش
قهاوي رقص مافيش إزاي يافندي ابن الكيف يقدر يهيص
بوكر مافيش يابودرويش
قهاوي رقص مافيش
مادام مافيش بدال يغنيش
نبيع ورنيش
دوخنا نروخ لمين سوخنا يامسلمين
نشكي نقول لمين آه
حانتيش مانتيش يابو الريش
إن شالله تعيش
سبت الخمارة سكنت ف خارة مافيش ولا واخد بارة
علشان نروخ كلنا لطوخ ونيجي منفوخ
أفتي كلا بولي كالا سمك باكالا
أحيه أمان أمان فين المصر بتاع زمان
والمدام فامولاكي
والله ياخرلمبو كانت أيام
=========================================================
لحن الزفة
من رواية أم 44
تلحين سيد درويش
كلمات أمين صدقي
يا عشّاق النّبي صلّو على جماله دي عروسة البيه تعالوا بنا نسندها له
آدي نور جمالها أهوه هل هلاله يـا هـنيّـه للّـي ينـولها يـا هنـيّـه لـــه
يــا قـمـر مــنـــــوّر سبحـــان مــن صــوّر
جولييت وسفيره عزيزة مــــين ده إســم مـزوّر
مين شاف كده بني آدمين راح تطلعي وحشه لمين
الأمّ لـــون اليــاسـمـين والأب عريض وسمين
يا سلام يــا حتّة سكّـره يا ترياق اللّي معــكَّره
يا عريسها يا زين ما التقيت
عريسك من يـــــومه آهـــو ملو هــــــــدومـه
اتهنّي به وافرحي به وكيدي اللّي يلــــــــوموا
فنجرته دي كلّها إيــه فييس اسم اللّه علـيه
يبدر بالألـف جنيــــه تقوليش ملاليم في إيديه
إن شا اللّه تملّي سبهللي على حسّك انت يا فلّلي
يا جنان يا ناس على ده تواليت
والله براوة يافاميلية نقاوة
خلفتو وطلعت خلفتكو حمار وحلاوة
دا عريسك زقزوق بيه بكرة يحطك في عينيه
علشان ماتاخدي عينيه صوني عرضه وحافظي عليه
دا شيء مافيهش التباس صيانة عرضنا ياناس
لمجدنا أكبر أساس
================================================================
موشح صحت وجدا
ألحان سيد درويش
غناء ماري جبران
صحت وجدا ياندامي واصلوني وارحموني
إني صب في هواكم سال دمعي من عيوني
ذبت من شوقي غراما فانصفوني وارحموني
إن جننت اليوم فيكم فاعذروني في جنوني
==========================================================
موشح ياعذيب المرشف
غناء محمود مرسي
ياعذيب المرشف يامرير الهجر
لا تجرد مرهف من ظبا الأجفان
رق وارحم مدنف مستهام العذري
فاجوى قد أتلف مهجة الظمآن
بالذي قد نظم عقد فيك الدر
ورضا بك كرم عن سلاف الحان
لا تكن من حرم لثم در الثغر
لعقيق المبسم جل من قد صان
عزيزى الزائر , شفت الموقع منور بيك الذاى -يا ميت اهلا و سهلا ..لا تنسى زيارة === الصفحة الرئيسية لموقعى و صفحة تحميل الاغانى و النوتات و الفديو من كلاسيكيات الموسيقى العربية الزمن الجميل - فيه باب صغير فى الصفحة الرئيسيه انا دايما موجود هناك ..ان احتجت اى حاجة اضغط عليه
http://violin.mylivepage.com/home/index
http://violin.mylivepage.com/file/index
-----------------------------------------------------------------------
انت الآن فى الصفحة الاولى و تكملة باقى الاغانى فى الصفحة الثانية
violin.mylivepage.com/wiki/article/%D9%83%D9%84%D9...
======================================================
تقتضى الامانة ان ان انوه انى وجدت موقع على النت للمرحوم الشيخ سيد درويش به
ليس فقط كلمات الاغانى و الاحان بل كل شىء عن سيد درويش و ارى نقل الكلمات منه اصدق من موقعى هذا فذلك الموقع تحت اشراف دكتور مهندس حسن البحر درويش وهذا عنوان الموقع
http://www.sayeddarwishelbahr.com/index.htm
فيديو محمد صلاح الحلوة دى قامت تعجن